الخميس 1 جمادى الأول 1439 هـ الموافق 18 يناير 2018 م


الأحد، 7 يناير 2018 18:00 م عدد الزيارات : 48
بقلم : محمد عيضة شبيبة لو أتصلت أي قناه بجدتي بارك الله في عمرها وأحسن ختامها وطلبت منها تصريحاً حول موقف قيادة المؤتمر الشعبي في صنعاء لسألتني جدتي : _ ويش معنى تصريح يامحمد؟ * يعني ياجده القناة تبغى تعرف رايش في قيادة المؤتمر اللي في صنعاء؟ _ ويش هي القناة ياولدي؟ * يعني تلفزيون ياجده . _ أمك ياعيضه أمه ، وتبغاني اتحاكا بين الناس ، معاد فيك شيمه ، ولعادك تستحي ، يالله تسترنا بسترك . * ههههههههه ههههههه خلاص اللي ودش ياجده ، سامحيني بس ويش رايش في المؤتمر؟ _ ويش هو الموعتمر ياولدي؟ * المؤتمر ياجده وليس الموعتمر ، هذولاء ناس كانوا أصحاب هم وعلي عبدالله وبينهم صحبة قويه وعيش وملح _ إيه عرفتهم ياولدي ، الله يهديك ، لعاد تحاكيني منهم ولاتجيب طاريهم ! * ليه ياجده ؟ ويش قومش زعلانه ؟ _ إنذر بهم لأهل خضوان وام الصبيان ، اللي مايجي مع الحريوه ماجى مع الزَوَرْ * كيف ياجده مافهمت؟ _ ياولدي اللي مافزعوا عليه قبل مايقتلونه معادهم نافعنه بعد موته * إلا ياجده إن فيهم كمن رأس وشنب ومراغه _ هيا ناهي، ركز لك حبل، الله يرحم شيبانهم ، لو دروا ويش معهم من خُلُوفه ون يقوموا من قبورهم . * ياجده بعون الله إنش باتسمعي منهم علوم تجمد على الشارب _ ورب النبي ياولدي مافيهم فاتح عين، أقبص لك ميت . * إلا ياجده إلا . _ قلنا لا تتعب نفسك ، معاد ينفع في لحمة البلاء الحوائج * أنا لازلت أراهن على قيادات مؤتمر الداخل ياجده _ ياولدي إيش انت تهرج وتقول ، معاد كلامك مثل كلامنا ، ايش معنى تراهن ويش قيادات الداخل ؟ * يعني عادني راجي منهم خير وباتشوفي كلامي. _ الله يرد عليك عقلك والله إن فرحتك بهم مثل فرحة الأعمى بالصبح ، هذولاء صحبتهم صحبة عدس، كن اسمع الكلام. * ويش صحبة العدس ياجده؟ _ ها اعصد يامحمد ، قلنا لك ماهي صحبة على نقاء ولا على وفاء صحبة دنيا راح اللي كان يعطيهم عدس ذلحين عِينهم على العدس لايضيع وحسهم منه لا حد يشله وراعي العدس بكوه أهله. * ياجده هذولاء بينهم علاقات وطيدة ومعهم من علي صالح كل شيء ويش العدس حقش ذا ، معهم منه أموال وعقارات وأحوال وأرصدة وعمارات _ قلنا لك انت ماتفهم الكلام يامحمد ، الصقر لوح له والثور بوح له * ههههههههه الله يسامحش ياجده رجعتينا أثوار كنت أظن إني خبير سياسي ومحلل أستراتيجي الوه ، الوه انقطع الاتصال مع جدتي أو غلقت التلفون في وجهي وانقطع أملي في بعض الناس.
مواقيت الصلاة
الفجر الظهر العصر المغرب العشاء
حالة الطقس
صنعاء عدن تعز اب حضرموت
10 c 30 c 20 c 25 c 35 c
القائمة البريدية
الفيس بوك

جميع الحقوق محفوظة لقناة رشد الفضائية